quinta-feira, 22 de maio de 2008

Eurovisom 2008

Nom, nom esquecim que estamos na semana eurovisiva. O bom deste ano é que temos duas semifinais, para além da final do próximo sábado. Na primeira semifinal já caiu Andorra (uma das minhas favoritas), pero, graças ao apoio bloco nórdico, passou Noruega. Ainda bom foi. Os resultados... pois fôrom os que a estrategia de blocos nos dam sempre. Hoje é a segunda semifinal... e a RTVE nom a vai emitir. É uma decisom da organizaçom do festival: os do Big Four nom podem votar em todas as semifinais e à Espanha tocou-lhe votar só na primeira. Isto significa que: 1. terei que ver a semifinal de hoje por internet e... 2. Nom poderei votar por Portugal, o qual me indigna profundamente.
Estando como estám as cousas, sem o apoio das grandes audiências da Europa ocidental, vai ser ainda mais difícil que Portugal chegue à final. Para quem nom o tiver claro ainda, em Eurovisom já nom se vota na melhor cançom de qualquer país, senom na melhor cançom do bloco em que se encontra o nosso país. Na actualidade, já se tenhem bem definidos e identificados três blocos principais: o soviético (liderado por Rússia e integrado polas antigas repúblicas da URSS), o balcánico (coas antigas repúblicas jugoslavas, Hungria, Albánia, Romênia e Bulgária) e o nórdico-báltico (Noruega, Suécia, Dinamarca, Finlándia, Islándia e os países bálticos). Também se está a conformar um bloco mediterráneo (Chipre, Grécia, Malta e Turquia), que às vezes se alia co balcánico. E que acontece cos países da Europa ocidental? Pois que nom conformárom bloco nengum, o que fai que desde hai anos nom ganhem o festival. Eu tenho-o claro: votar por Portugal e pola melhor cançom da Europa ocidental (Fráncia, Alemanha, Reino Unido, Irlanda, Bélgica, Países Baixos, Andorra...). Este ano já ficárom fóra Bélgica, Países Baixos e Andorra. Hoje será difícil que passem Portugal e os outros. Veremos. Pero no sábado votarei na França e no Reino Unido. E vós? Deixo-vos coa cançom da França, representada polo mesmíssimo Sébastien Tellier (qualité total). E lembrade que haverá uma grande festa na Gentalha do Pichel!

3 comentários:

Anónimo disse...

Hey, Prosciutto!!! Obrigado pola difusom!!! A gente vê-se depois de amanhã, Sábado 24-Noite, no C.S. O Pichel!!!

Assim que desde o Reino de Espanha nom podemos votar na representante da República Portuguesa! BATOTA!!! BATOTA!!! ("tongo, tongo en la-la-la lengua del Imperio"). ;)

sergio74 disse...

q me contas q o sebastien e o representante de francia,,,puf pois xa temos gañador,jejej
gostei do disco, um par de temiñas caerám o dia 14 no San Etiene de Lugo, q pincho alo..jejje
saudos e umha aperta

xorna disse...

Graciñas pola entrevista! Xa está pululando pola rede...

http://www.gznacion.com/web/notic.php?ide=8528
http://chuza.org/historia/projecto-mourente-se-tivese-que-ir-a-eurovision-deberia-comprar-uns-cueiros-antes-de-sair/