segunda-feira, 15 de setembro de 2008

Novidades

Já hai tempo que nom actualizo o blog este e na verdade hai umas quantas novidades que contar. A primeira, que o "Kara.o.ke" de Projecto Mourente está este mês na lista noroeste da Mondo Sonoro. A segunda, que para o outono o tema "Eu só" fará parte dum compilatório de pop galego que se está a preparar para a revista Enderrock. Tratará-se duma versom reduzida porque o tema no álbum tem máis de quatro minutos. Provavelmente, "Eu só" será, de facto, o próximo singelo do Projecto Mourente, pero isso será também para o outono. E mais novidades, o grupo já está presente no Facebook, se entrades podedes-vos fazer fãs, ver vídeos e fotos. Algumas som inéditas, como a de hoje, com Noel Feáns (Fanny e Alexander) e Martin Wu (The Homens, que por certo, agora já som quatro). Obrigado ao Gustavo Harvey, que levou adiante a iniciativa, e a toda a gente que se adicionou já como fã. Contam-me, ademais, que o Projecto Mourente mesmo se baila em México... Todo cousas boas! Como a música dos Swing Out Sisters que tenho escuitado dia e noite desde a mocidade. Ultimamente estou voltando a escuitar muitas músicas daqueles tempos, que para mim fôrom mais bem finais dos 80s, inícios dos 90s. A ver se ponho algum outro grupo, pero hoje vai o singelo do seu novo álbum "Something Every Day". Por certo, nom me defraudárom nadinha.

1 comentário:

sergio74 disse...

o harvey sempre , leando,jejej
pero e boa idea..ejje
saudos do kimxo q e pregumtou por ti o sabado...
umha aperta dende o ferroliño